اسلام آباد (مانیٹرنگ ڈیسک) معروف صحافی و تجزیہ کار ایاز امیر نے ایک نجی ٹی وی چینل کے پروگرام میں گفتگو کرتے ہوئے کہا کہ حکومت سازی کے لیے تحریک انصاف جو کر رہی ہے ایسا تو ن لیگ نے بھی کبھی نہیں کیا، انہوں نے گفتگو کرتے ہوئے کہا کہ مقبوضہ کشمیر میں جب تک موجودہ صورتحال ہے کسی کی بھی ہندوستان سے بہتر تعلقات کی خواہش پوری نہیں ہو سکتی، معروف صحافی نے کہا کہ تحریک انصاف کی جانب سے اب تک وزیراعلیٰ پنجاب اور وفاقی وزراء
کے نام سامنے آ جانے چاہیے تھے۔ ایاز امیر نے کہا کہ جس طرح اب تحریک انصاف میں خیبرپختونخوا اور پنجاب میں حکومت ساز ی کے حوالے سے باتیں نظر آ رہی ہیں ایسی تو کبھی مسلم لیگ (ن) میں بھی نہیں دیکھیں۔ معروف تجزیہ کار ایاز امیر نے کہا کہ تحریک انصاف کے چیئرمین عمران خان کو بطور متوقع وزیراعظم کشمیر کی موجودہ صورتحال پر بیان دینا چاہیے۔ انہوں نے کہا کہ پاکستانی قوم کو اس وقت بتانے کی ضرورت ہے کہ کشمیر میں ہو کیا رہا ہے؟
