اسلام آباد (مانیٹرنگ ڈیسک) پاکستان تحریک انصاف نے گورنر سندھ کے لیے تحریک انصاف کے رہنما عمران اسماعیل کا نام فائنل کر لیا ہے، اس بات کا انکشاف خرم شیر زمان نے کرتے ہوئے کہا کہ عمران خان نے گورنر سندھ کے لیے عمران اسماعیل کا نام فائنل کر لیا ہے۔ واضح رہے کہ
عام انتخابات میں تحریک انصاف کی کامیابی کے بعد سابق گورنر سندھ محمد زبیر نے اپنے عہدے سے استعفیٰ دے دیا تھا، انتخابات میں کامیابی کے بعد تحریک انصاف نے مسلم لیگ (ن) کی جانب سے لگائے گئے سندھ، پنجاب اور خیبرپختونخوا میں گورنرز کو ہٹانے کا فیصلہ کیا تھا۔
