اسلام آباد (این این آئی)الیکشن کمیشن آف پاکستان 9اگست تک انتخابات میں کامیاب ہونے والے امیدواروں کی فہرست جاری کردے گا۔الیکشن کمیشن کے مطابق آزادامیدواروں کو نوٹیفیکیشن جاری ہونے کے 3دن کے اندر اندر سیاسی پارٹی میں شمولیت اختیارکرناہوگی ۔
مخصوص نشستوں پر کامیاب امیدواروں کااعلان بدھ تک کردیاجائیگا ٗ تمام سیاسی جماعتوں کی جانب سے 2018کے عام انتخابات میں کامیاب نشستوں کی تعداد منگل تک واضح ہوجائیگی۔قومی اور صوبائی اسمبلیوں کے اجلاس تمام نشستوں پر کامیاب امیدواروں کے نوٹیفیکیشن جاری ہونے کے بعد بلائے جائیں گے۔
