لندن(این این آئی) سابق وزیراعظم میاں محمد نواز شریف کے صاحبزادے حسین نواز نے کہا ہے کہ میری والدہ کلثوم نواز اب ہوش میں ہیں ، ہونٹ اور پاؤں ہلاسکتی ہیں لوگوں کو پہچانتی ہیں ، ابھی بھی وینٹی لیٹر پر ہیں گردن میں ٹیوب ڈالی گئی ہے ۔ نجی ٹی وی سے بات چیت کرتے ہوئے حسین نواز نے کہا کہ میری والدہ کلثوم نواز ہوش میں ہیں ۔ والدہ نے آنکھیں اسی روز کھولی تھیں جس روز میرے والد میاں محمد نواز شریف پاکستان گئے تھے ۔ انہوں نے بتایا کہ میری والدہ ہونٹ اور ہاتھ پاؤں ہلا سکتی ہیں لوگوں

کو پہچانتی ہیں سر کے اشارے سے ہاں ،ناں،میں جواب دے سکتی ہیں ۔ انہوں نے کہا کہ میری والدہ کا علاج جاری ہے ۔ وہ ابھی بھی وینٹی لیٹر میں ہیں ۔ گردن میں ٹیوب ڈالی گئی ہے ڈاکٹروں کے ٹریٹمنٹ کے نتائج مثبت ہیں ۔ حسین نواز نے کہا کہ میری والدہ میرے والدہ اور ہمشیرہ کے بارے میں پوچھتی ہیں ۔ انہوں نے کہا کہ کلثوم نواز زمینی حقائق سے لا علم ہیں جس قدر ممکن ہو پریشان کئے بغیر معاملات سے آگاہ کرتے ہیں ۔ حسین نواز نے بتایا کہ کلثوم نواز کو اتنا ہی بتاتے ہیں جس سے انکی طبیعت بحال رہے ۔