اسلام آباد (نیوزڈیسک)پاکستان اور بھارت کے قومی سلامتی کے مشیروں نے تعمیری رابطوں کو آگے بڑھانے پر اتفاق کیا ہے ۔پاکستان اور بھارت کے قومی سلامتی کے امور کے مشیروں نے اتوار کو یہاں بینکا ک میں ملاقات کی ہے یہ دونوں ممالک کے وزرائے اعظم کی ملاقات کے تناظر میں کی گئی اسلام آباد میں وزارت خارجہ نے بتایا کہ بات چیت انتہائی اچھے اور تعمیری تعمیری ماحول میں ہوئی وزارت خارجہ کے بیان کے مطابق بات چیت میں امن اور سلامتی ¾ دہشتگردی ¾ کشمیر اور لائن آف کنٹرول پر کشیدگی کے خاتمے پر غور کیا گیا بیان کے مطابق دونوں مشیروں نے تعمیری رابطوں کو آگے بڑھانے پر اتفاق کیا وزارت خارجہ نے کہاکہ یہ ملاقات وزیر اعظم نواز شریف اور ان کے بھارتی ہم منصب نریندرا مودی کی اس مفاہمت کے تناظر میں کی گئی جس میں دونوں رہنماﺅں نے جنوبی ایشیاءکو پر امن ¾ خوشحال اور مستحکم بنانے پر اتفاق کیا تھا ۔مشیر وں کی ملاقات میں دونوں ممالک کے خارجہ سیکرٹری بھی موجود تھے ۔