مانسہرہ(نیوزڈیسک) مانسہرہ میں یونیورسٹی کے اندر داخلے کے دوران طلبہ اور مقامی سیکورٹی گارڈ میں تلخ کلامی ہوئی جس کے بعد مقامی طالب علم سیکورٹی گارڈ کی مدد کو پہنچے جس کے بعد مقامی اور غیر مقامی طلبہ میں فائرنگ شروع ہو گئی۔ کیمسٹری ڈیپارٹمنٹ کے باہر دستی بم حملے سے 4 افراد زخمی ہوئے۔ فائرنگ سے یونیورسٹی میں حالات کشیدہ ہو گئے ہیں۔ یونیورسٹی کے سینکڑوں طلبہ اور ملازمین کلاسوں اور کمروں میں محصور ہو کر رہ گئے ہیں۔ تصادم کی اطلاع ملتے ہی پولیس کی بھاری نفری یونیورسٹی میں پہنچ گئی ہے۔ زخمیوں کو ایوب میڈیکل کمپلیکس ایبٹ آباد منتقل کر دیا گیا۔ –