راولپنڈی (این این آئی)پی ٹی آئی میں اختلافات ختم کرنے کیلئے عمران خان نے بیرسٹر گوہر کو چیئرمین کے عہدے سے ہٹانے کا عندیہ دے دیا۔ تفصیلات کے مطابق بانی پی ٹی آئی نے پارٹی میں اختلافات کے خاتمے کیلئے بیرسٹر گوہر کو چیئرمین کے عہدے سے ہٹانے کا عندیہ دے دیا۔
ذرائع کے مطابق نئے چیئرمین کیلئے اسد قیصر کو فیورٹ قراردیا جارہا ہے،اسد قیصر کو بانی تحریک انصاف کا پیغام پہنچایا گیا تھا، وہ اس حوالے سے ملنے جمعرات کو اڈیالہ جیل بھی گئے تھے۔ذرائع نے بتایا کہ اسد قیصر کئی گھنٹے انتظار کرتے رہے مگر ملاقات نہ ہوسکی، ملاقات نہ ہونے کے باعث عمران خان نے اعلان نہیں کیا۔
