نوشہرہ ( آ ن لائن)نوشہرہ کے یونین کونسل نواں کلے میں تحریک انصاف کے دو گروپوں میں تصادم سے ایک شخص جاں بحق جبکہ دوسرا شدید زخمی ہوگیا ۔تفصیلات کے مطابق نوشہرہ کے علاقے
کلاں یونین کونسل نواں کلے میں تحریک انصاف کے دو گروپوں میں تصادم ہوا ، ایک شخص جاں بحق جبکہ ایک زخمی کو تشویشناک حالت میں قاضی میڈیکل کمپلیکس منتقل کردیا۔بتایا گیا ہے کہ وزیر دفاع پرویز خٹک کا جلسہ یونین کونسل نواں کلے کے جناز گاہ میں ہونے والا تھا۔جس پر دو گروپوں نے ایک دوسرے پر اندھا دھند فائرنگ کردی۔جس سے ایک شخص جاں بحق ایک زخمی ہوگیا۔دونوں گروپ کا تعلق پاکستان تحریک انصاف سے ہیں۔دونوں گروپوں میں ایک گروپ وزیر دفاع پرویز خٹک کے حمایتی ہے جبکہ دوسرے گروپ کا وزیر دفاع پرویز خٹک کے بھائی صوبائی وزیر آبپاشی لیاقت خٹک کے حمایتی ہے۔
