اسلام آباد( آن لائن) وزیر اعظم عمران خان نے کہا ہے کہ آج ہم ایک بار پھر کشمیریوں کے حق خود ارادیت کی جدوجہد میں ساتھ دینے کے عزم کی تجدید کرتے ہیں ،کشمیریوں کو ایک دن ضرور انصاف ملے گا۔اتوار کے روز وزیراعظم عمران خان نے یوم الحاق پاکستان کے موقع پراس عزم کا اعادہ کیا ہے کہ ہم پاکستانی کشمیریوں کو ان کا حق دلانے کیلئے لڑتے رہیں گے۔ آج کے دن کشمیریوں نے پاکستان سے الحاق کی
قرارداد منظورکی تھی اور اس کی یاد میں آج ہم یوم الحاق پاکستان منارہے ہیں۔وزیراعظم نے کہا کہ کشمیریوں کا حق خود ارادیت یواین سکیورٹی کونسل نے تسلیم کر رکھا ہے اور آج ہم ایک بار پھرکشمیریوں کی حق خود ارادیت کی جدوجہد میں ساتھ دینے کے عزم کی تجدید کرتے ہیں۔انہوں نے کہا کہ پاکستانی کشمیریوں کی بھارتی حکومت کے مظالم کے خلاف جدجہد میں ساتھ دیتے رہیں گے۔ کشمیریوں کو ایک دن ضرور انصاف ملے گا۔
