اسلام آباد(مانیٹرنگ ڈیسک)مسلم لیگ (ن) کے ناراض اراکین کا وزیراعلیٰ عثمان بزدار سے ملاقاتیں جاری رکھنے کا فیصلہ، مزید ن لیگی ارکان کی حمایت کا دعویٰ بھی کردیا۔روزنامہ دنیا کے مطابق ناراض لیگی ارکان کی وزیراعلیٰ پنجاب سے قربتیں اورملاقاتیں رنگ لانے لگیں، ناراض لیگی ارکان مسلم لیگ ن میں موجود مزید ناراض ساتھیوں کو اپنے گروپ میں شامل کرنے کے لئے متحرک ہو گئے۔ناراض لیگی ارکان فی الحال پارٹی سے بھی رابطہ رکھیں گے اور وزیراعلیٰ عثمان بزدار سے بھی ملاقاتیں جاری رکھیں گے، ناراض لیگی گروپ کو پیپلزپارٹی کے ایک رکن پنجاب اسمبلی کی پہلے ہی حمایت حاصل
ہے۔ یادرہے کہ ناراض ارکان کا گروپ وزیراعلیٰ پنجاب سردار عثمان بزدار سے پہلے ہی3 ملاقاتیں کر چکاہے جس پر انہیں شوکاز نوٹس بھی جاری کیا گیاتھا۔