اسلام آباد(مانیٹرنگ ڈیسک)جماعت اسلامی کے سابق امیر سید منور حسن انتقال کرگئے۔، نجی ٹی وی کے مطابق سید منور حسن طویل عرصے سے علیل اور مقامی ہسپتال میں زیر علاج تھے۔منور حسن اگست 1941 میں دہلی میں پیدا ہوئے اور 1947 میں خاندان کے ہمراہ پہلے دہلی سے لاہور اور پھر لاہور سے کراچی ہجرت کی۔منورحسن نے
نیشنل سٹوڈنٹس فیڈریشن کے پلیٹ فارم سے طلبہ سیاست کا آغاز کیا تھا اور وہ 1959 میں نیشنل سٹوڈنٹس فیڈریشن کے صدر بھی رہے۔سید منورحسن جون 1960 میں اسلامی جمعیت طلبہ میں شامل ہوئے اور 1963 میں اسلامی جمعیت طلبہ کراچی کے ناظم رہے۔ان کے انتقال پر امیر جماعت اسلامی سراج الحق و دیگر نے گہرے افسوس کا اظہار کیا ہے ۔
