کراچی، اسلام آباد(آن لائن،این این آئی) صوبائی وزیر سندھ برائے خواتین شہلا رضا بھی کورونا وائرس کا شکار ہو گئیں ۔ خودکو گھر میں قرنطینہ کر لیا ۔ تفصیلات کے مطابق شہلا رضا نے خود میں کورونا وائرس پائے جانے کی تصدیق کرتے ہوئے کہا ہے کہ ان کا کورونا ٹیسٹ مثبت آ گیا باقی گھر والوں کی رپورٹ کا انتظار ہے ۔
کورونا ٹیسٹ مثبت آنے کے بعد اپنے آپ کو گھر میں قرنطینہ کر لیا ہے قوم سے دعائوں کی اپیل ہے اس سے پہلے کورونا تیسٹ کرایا تھا جو منفی آیا تھا ۔ملک بھر میں کورونا کے متاثرہ مزید 96 مریض چل بسے جس کے بعد جاں بحق افراد کی تعداد تعداد 2729 ہوگئی جبکہ ایک ہی دن میں کورونا کے زیادہ 5248 نئے کیسز رپورٹ ہوئے جس کے بعد مجموعی تعداد ایک لاکھ 44ہزار 478تک جا پہنچی ۔پیر کو نیشنل کمانڈ اینڈ آپریشن سینٹر کے کورونا وائرس سے متعلق تازہ اعدادو شمار جاری کر دیئے جس کے مطابق ایک ہی دن میں کورونا کے زیادہ 5248 نئے کیسز رپورٹ ہوئے جس کے بعد مجموعی تعداد ایک لاکھ 44ہزار 478تک جا پہنچی، این سی اوسی کے مطابق کورونا کے متاثرہ مزید 96 مریض چل بسے جس کے بعد ملک بھر میں کورونا سے اموات کی تعداد 2729 ہوگئی، این سی او سیپنجاب میں کورونا کیسز کی تعداد 54138 ہوگئی۔این سی او سی کے مطابق سندھ میں کورونا کے 53805، خیبر پختونخواہ میں 18013 کیسز رپورٹ ہوئے ،بلوچستان میں 8177، اسلام آباد میں کورونا کیسز 8569 ہوگئے۔ این سی او سی کے مطابق گلگت میں کورونا کیسز کی مجموعی تعداد 1129، آزاد کشمیر میں 647 ہوگئی، کورونا کے 53 ہزار 721 مریض مکمل صحتیاب ہوگئے۔ این سی اوسی کے مطابق چوبیس گھنٹوں میں سب سے زیادہ 29085 کورونا ٹیسٹ کیے گئے۔ این سی او سی کے مطابق ملک بھر میں ابتک 8 لاکھ 97 ہزار سے زائد کورونا ٹیسٹ کئے جا چکے ہیں، ملک بھر میں 820 اسپتالوں میں کورونا کے 8471 مریض زیر علاج ہیں
