اسلام آباد(مانیٹرنگ ڈیسک)سربراہ ایدھی فائونڈیشن فیصل ایدھی کا کورونا ٹیسٹ مثبت آگیا۔نجی ٹی وی کے مطابق سماجی کارکن فیصل ایدھی جواس وقت اسلام آباد میں موجود ہیںان کا کورونا وائرس کا ٹیسٹ مثبت آگیا ہے، فیصل ایدھی کا ٹیسٹ مثبت آنے کے بعد ایدھی فاؤنڈیشن کے کچھ عملے اور فیصل ایدھی کے اہلخانہ کے بھی کورونا ٹیسٹ کرائے جائیں گے۔
ذرائع نے بتایا کہ فیصل ایدھی کا کورونا وائرس کا ٹیسٹ مثبت آنے کے بعد ایسے افراد کی فہرست تیار کی جارہی ہے جن سے انہوں نے حالیہ دنوں میں ملاقات کی ہے۔یاد رہےکہ فیصل ایدھی نے گزشتہ دنوں وزیراعظم عمران خان سے بھی ملاقات کی تھی اور انہیں کورونا ریلیف فنڈ کے لیے چیک پیش کیا تھا۔
