اسلام آباد(مانیٹرنگ ڈیسک)پاکستان میں کورونا وائرس نے مزید 14 افراد کی جان لے لی جس کے بعد ملک میں مہلک وبا سے ہلاکتوں کی مجموعی تعداد 176 ہو گئی ہے جب کہ مختلف شہروں میں 335 نئے کیسز سامنے آنے کے بعد مصدقہ مریضوں کی تعداد 8648 تک پہنچ گئی۔نجی ٹی وی جیو نیوز کے مطابق اب تک سب سے زیادہ اموات خیبرپختونخوا میں

سامنے آئی ہیں جہاں67 افراد کا انتقال اس وائرس کی وجہ سے ہو چکا ہے۔ سندھ میں 61، پنجاب میں 42، بلوچستان میں 5 جب کہ گلگت بلتستان اوراسلام آباد میں تین، تین افراد اس مہلک وائرس کے باعث ہلاک ہوئے۔خیبرپختونخوا میں کورونا وائرس سے آج مزید 7 مریضوں کا انتقال ہوا جب کہ سندھ میں 5، پنجاب اور اسلام آباد میں ایک ایک ہلاکت سامنے آئی ہے۔