اسلام آباد(مانیٹرنگ ڈیسک)واہ کینٹ میں واقع پاکستان کی اسلحہ ساز کمپنی پی او ایف نے پاکستان کا پہلا وینٹی لیٹر متعارف کروا دیا۔ تفصیلات کے مطابق پاکستان آرڈیننس فیکٹری کے انجینئرز نے پاکستان کا پہلا وینٹی لیٹر متعارف کروا دیا ہے جسے مقامی سطح پر تیار کیا گیا ہے۔ پاک وینٹ ون نامی یہ
وینٹی لیٹر ٹرائلز سے گزرنے کے بعد کثیر تعداد میں پیدا کیے جائیں گے جن سے مریضوں کی زندگی بچانے میں مدد ملے گی۔اس وینٹی لیٹر کو سی ایم ایچ ہسپتال میں ٹرائلز کیلئے لایا گیا ہے اور ٹرائلز کامیاب ہونے کے بعد پی ایم او پاکستان انجینئرنگ کونسل کے ساتھ اشتراک کر کے اسکی پیداوار شروع کرے گی۔
