اسلام آباد( آن لائن )احتساب عدالت نے فریال تالپور کے بینک اکانٹس غیر منجمد کرنے کی درخواست مسترد کردی ہے تاہم عدالت نے فریال تالپور کے بچوں کے اکانٹس غیر منجمد کرکے فعال کرنے کا حکم جاری کردیا ہے۔تفصیلات کے مطابق احتساب عدالت اسلام آباد نے پاکستان پیپلزپارٹی کی رہنما فریال تالپور کی بینک اکانٹس غیر منجمد

کرنے کی درخواست پر محفوظ فیصلہ سنا دیا ہے، احتساب عدالت اسلام آبادکے جج اعظم خان نے فیصلہ سنایا، انہوں نے فریال تالپور کے بینک اکانٹس غیر منجمد کرنے کی درخواست مستردکردی جبکہ فریال تالپور کے بچوں کے اکاونٹس غیر منجمد کرنے کاحکم دیدیا،فیصلہ میں کہاگیا ہے کہ فریال تالپور کے بچوں کے بینک اکانٹس فعال کردیے جائیں۔

موضوعات:فریال تالپور