اسلام آباد (این این آئی)پمز ہسپتال میں کرونا وائرس کے تیسرے مریض نے بھی کرونا کو شکست دے دی۔ تفصیلات کے مطابق یوکے کا سفر کرنے والے میاں بیوی کو کرونا وائرس کی تشخیص کے بعد آئیسولایشن وارڈ میں داخل کیا گیا تھا،یوکے کا سفر کرنے والا شبنم کا شوہر صحت یاب ہو کر گھر چلا گیا۔
یوکے کا سفر کرنے والی شبنم کی حالت بدستور نازک ہے ،اسلام آباد کے پمز ہسپتال میں کرونا وائرس کے چھ مریض زیر علاج ہیں ،ساتویں مشتبہ مریض کے لیے جانے والے سمپل کے نتائج کا انتظار ہے ۔ ذرائع کے مطابق آئسولیشن وارڈ میں چار خواتین اور تین مرد زیر علاج ہیں ۔
