اسلام آباد (این این آئی) شفاء انٹرنیشنل ہسپتال کی نرسز میں کرونا وائرس کی تشخیص ہوگئی ۔سکھر کی رہائشی نیلم سکھر چھْٹی سے واپس آئی تو کرونا وائرس میں مْبتلا ہوگئی،نیلم کی دوست روبینہ کو بھی دوسرے دن سے بْخار اور نزلہ کی علامات پائی گئیں ،دونوں نرسوں کا آئی نائن ون پر واقع ہاسٹل کے الگ الگ کمروں میں علاج شروع کر دیا گیا ۔ رہائشی نرسز کے مطابق انکے علاج کے لئے کسی ہسپتال منتقل کیا جائے
تاکہ باقی نرسز اس وائرس سے بچ سکیں۔دریں اثنا وزیراعظم کی معاون خصوصی اطلاعات و نشریات ڈاکٹر فردوس عاشق اعوان نے کہاہے کہ قوم کے مسیحا ڈاکٹرز، نرسنگ اور پیرا میڈیکل اسٹاف تمہیں سلام۔ ٹوئٹر پر اپنے بیان میں فردوس عاشق اعوان نے کہاکہ قوم کے مسیحا ڈاکٹرز، نرسنگ اور پیرا میڈیکل اسٹاف تمہیں سلام۔ انہوںنے کہاکہ اپنی جان خطرے میں ڈال کر زندگیاں بچانے والو تمہیں سلام۔
