اسلام آباد(مانیٹرنگ ڈیسک)لاہور کے میو ہسپتال میں کرونا وائرس میں مبتلا شخص انتقال کر گیا، نجی ٹی وی کے مطابق غلام عمران گزشتہ دنوںایران سے واپس لوٹاتھا، حافظ آباد کا رہائشی 14روز تفتان میں قرنطینہ میں گزار کر واپس پنجاب آیاتھا۔شہری کو گزشتہ رات تشویشناک حالت میں میو ہسپتال لایا گیا
اسے آئی سی یو میں رکھا گیا مگرذرائع کے مطابق وہاں وینٹی لیٹر کی سہولت نہیں تھی۔دوسری جانب ترجمان محکمہ صحت پنجاب نے بھی مریض غلام عمران کے انتقال کی تصدیق کر دی ہے ۔ ذرائع کے مطابق ڈاکٹرز یہ شبہ ظاہر کررہے ہیں کہ یہ پاکستان میں کورونا وائرس سے پہلی ہلاکت ہوسکتی ہے۔
