لاہور(آن لائن ) ناراض لیگی رکن پنجاب اسمبلی نشا ط ڈاہا نے ایک قدم اور آگے جانے کا اعلان کر دیا۔ انہوں نے کہا جلد ناراض لیگی ارکان اسمبلی کا اجلاس بلانے جا رہا ہوں، پوری قیادت خاموش، ہمیں اکٹھا کرنے والا کوئی نہیں۔ناراض لیگی ارکان پنجاب اسمبلی مزید متحرک ہو گئے، وزیر اعلیٰ عثمان بزدار سے ملنے والے لیگی ارکان اسمبلی کے مسلم لیگ ن کے
مزید ارکان سے بھی رابطے ہیں۔ رکن پنجاب اسمبلی نشاط ڈاہا کا کہناہے کہ مجھے رات سے ناراض ارکان اسمبلی کے فون آ رہے ہیں، سب کی ڈیمانڈ وہی ہے جو میری ہے، ارکان اسمبلی عزت چاہتے ہیں، رابطہ کرنے والے کہہ رہے ہیں کہ ہمیں اپنے ساتھ سمجھیں۔نشاط ڈاہا کا مزید کہنا ہے کہ پندرہ سولہ لوگ وزیراعلیٰ پنجاب سے ملے ہیں وہ میرے ساتھ رابطے میں ہیں۔
