اسلام آباد(مانیٹرنگ ڈیسک)نئے اٹارنی جنرل بیرسٹر خالد جاوید خان نے جسٹس قاضی فائز عیسیٰ کیخلاف حکومتی ریفرنس لڑنے سے معذرت کر لی۔نجی ٹی وی کے مطابق اٹارنی جنرل خالد جاوید خان نے آج سپریم کورٹ میں جسٹس قاضی فائر عیسیٰ سے متعلق کیس میں حکومت کی جانب سے دلائل دینے تھے۔تاہم اب اطلاعات ہیں کہ اٹارنی جنرل خالد جاوید خان نے
حکومتی نمائندگی کرنے سے معذرت کر لی ہے۔واضح رہے کہ حکومت نے سپریم کورٹ میں اپنی مرضی کے دلائل دینے پر سابق اٹارنی جنرل انور منصور خان سے استعفیٰ طلب کر لیا تھا۔انور منصور خان کی جگہ حکومت نے بیرسٹر خالد جاوید خان کو نیا اٹارنی جنرل تعینات کیا جس کی تین روز قبل صدر مملکت نے منظوری بھی دیدی تھی۔
