اسلام آباد(مانیٹرنگ ڈیسک)بھارتی فوج کی لائن آف کنٹرول پر ایک بار پھر بلااشتعال فائرنگ ،دو بچوں اور دو خواتین سمیت 10 شہری زخمی،پاک فوج کے شعبہ تعلقات عامہ کی جانب سے جاری بیان کے مطابق بھارتی فوج نے جندروٹ اور نکیال سیکٹرز میں مارٹر گولے فائر کیے۔
بھارتی فوج نے جبڑ، سندھارا، سمبل گلی اور کوٹلی کے گاؤں دبسی کی شہری آبادی کو بھی نشانہ بنایا۔بھارتی فوج کی فائرنگ سے زخمی شہریوں کو ہسپتال منتقل کردیا گیا ہے۔آئی ایس پی آر کے مطابق پاک فوج کی مؤثر جوابی کارروائی میں ایک بھارتی فوجی ہلاک جبکہ میجر سمیت تین فوجی زخمی ہوگئے۔
