اسلام آباد(مانیٹرنگ ڈیسک)پاکستان میں برڈ فلووائرس کے پھیلنے کا انکشاف، روزنامہ جنگ کے مطابق راولپنڈی ،اسلام آباد ،مری ،ایبٹ آباد سے مظفرآباد لا کر فروخت ہونے والی مرغیوں سے برڈ فلو کا مرض انسانوں میں منتقل ہونے کا خطرہ ہے، برڈ فلو ایج5نامی وائرس سے پھیل رہا ہے ۔ پولٹری فارموں نے برڈ فلو زدہ مرغیاں دیدہ دلیری سے فروخت کرنا شروع کر رکھی ہیں۔ دارالحکومت مظفرآبادگزشتہ کئی ہفتوں سے شدید

سردی کی لپیٹ میں ہے ۔پہاڑوں پر 7فٹ سے 15فٹ تک برف پڑی ہوئی ہے ۔دارالحکومت مظفرآباد میں د رجہ حرارت منفی ہوچکا ہے ۔ جبکہ راولپنڈی، مری ،ایبٹ آباد ،مانسہرہ ،ہزارہ وغیرہ شدید سردی کی لپیٹ میں ہے ۔ سردی کی وجہ سے مرغیوں کے فارموں میں برڈ فلو وائرس پھیل گیا ہے ۔ جو مرغیوں کا گوشت استعمال کرنے والوں کے لیے شدید جانی خطرے کا باعث بن رہا ہے ۔ سول سوسائٹی شہریوں ،صارفین میں تشویش کی لہر د وڑ گئی۔

موضوعات:برڈ فلووائرس