بیجنگ(این این آئی) چین نے پاکستان کے ووہان سے شہری نہ نکالنے کے فیصلے کو چین پر اعتماد کا اظہار قراردیتے ہوئے کہاہے کہ پاکستانی حکومت کو بھروسہ ہے چین پاکستانیوں کا تحفظ یقینی بنائے گا،غیرملکی خبررساں ادارے کے مطابق چینی دفتر خارجہ کی جانب سے جاری بیان میں کہا گیا کہ پاکستان کا ووہان سے شہری نہ نکالنے کا فیصلہ چین پر اعتماد کا اظہار ہے۔ترجمان چینی دفترخارجہ کا کہنا تھا کہ پاکستانی وزیر خارجہ سے چینی
ہم منصب کا ٹیلیفونک رابطہ ہوا ہے جس میں شاہ محمود قریشی نے وزیراعظم عمران خان کا چینی وزیراعظم کے لیے پیغام پہنچایا ہے۔ان کا کہنا تھا کہ پاکستان کورونا وائرس کا پھیلاو روکنے پر چینی اقدامات کی حمایت کرتا ہے، شاہ محمودقریشی نے چین کوکرونا کی روک تھام پرہر ممکن مددکی پیشکش کی ہے۔انہوں نے بتایا کہ پاکستان جلد چین کے لیے طیارے سے طبی سامان روانہ کریگا، مشکل کی گھڑی میں پاکستانی عوام چین کے عوام کے ساتھ کھڑے ہیں۔
