اسلام آباد( آن لائن) بینظیر انکم سپورٹ پروگرام سے مستفید ہونے والے افسران کی لسٹ منظر عام پر آ گئی۔ آزادکشمیر میں 9 افسران بینظیر انکم سپورٹ پروگرام سے پیسے بٹورتے رہے جن میں 17 ویں اسکیل سے لے کر 22 ویں اسکیل تک کے افسران شامل ہیں۔ تفصیلات کے مطابق آزادکشمیر ہائی کورٹ کے 22ویں سکیل کے .
ملازم میاں عارف حسین شعبہ تعلیم سے تعلق رکھنے والے19ویں اسکیل کے2 افسران محمد شیراز، محمد سلیم 18 ویں سکیل کے ایک افسر محمد افضل جبکہ 17ویں سکیل کے 5 افسران جن میں حکمداد، محمد یوسف، ریاض احمد خان اور آزادکشمیر کے ڈی جی آڈٹ محمد مسکین، شعبہ ہیلتھ سے تعلق رکھنے والے قاضی کبیر احمد شامل ہیں۔
