اسلام آباد (این این آئی)سابق جج اسلام آباد ہائیکورٹ شوکت عزیز صدیقی نے برطرفی کے خلاف اپیل کی جلد سماعت کیلئے سپریم کورٹ میں درخواست دائر کردی۔ جمعرات کو دائر درخواست میں کہاگیاکہ طویل عرصے سے سپریم کورٹ میں درخواست زیر التواء ہے۔درخواست میں کہاگیاکہ درخواست پر رجسٹرار اعتراضات
کو ختم کیا جا چکا ہے،کیس کو 20 جنوری سے شروع ہونے والے ہفتے میں سماعت کیلئے مقرر کیا جائے ۔یاد رہے کہ جسٹس شوکت عزیز صدیقی نے برطرفی کے فیصلے کو سپریم کورٹ میں چیلنج کر رکھا ہے ،سپریم جوڈیشل کونسل نے جسٹس شوکت عزیز صدیقی کو عہدے سے ہٹانے کی سفارش کی تھی۔
