اسلام آباد(آن لائن) وزیر اعظم عمران خان نے برفباری اور لینڈ سلائیڈنگ سے ہونے والے نقصانات کے بعد اپنی تمام سیاسی مصروفیات ترک کردی ہیں۔آج بدھ کو آزاد کشمیر کے متاثرہ علاقوں کا دورہ کریں گے۔میڈیا رپورٹس کے مطابق وزیر اعظم عمران خان نے برفباری اور لینڈ سلائیڈنگ سے ہونے والے نقصانات کے بعد اپنی تمام سیاسی مصروفیات ترک کردی ہیںآج بدھ کو آزاد کشمیر کے متاثرہ علاقوں
کا دورہ کریں گے دورے کے دوران وزیر امور کشمیر علی امین گنڈا پور بھی وزیر اعظم کے ہمراہ ہوں گے۔وزیر اعظم متاثرہ علاقوں میں تباہ کاریوں اور امدادی سرگرمیوں کا جائزہ لیں گے اور متاثرہ خاندانوں سے بھی ملاقات کریں گے۔وزیراعظم عمران خان نے آزادجموں وکشمیر میں تودے گرنے سے متاثرہ افرادکو فوری طور پر ہنگامی بنیادوں پر ہر قسم کی امداد کی فراہمی کی ہدایت کی ہے۔
