لاہو ر(این این آئی) مسلم لیگ (ن)کی نائب صدر مریم نواز نے اپنے ٹوئٹراکائونٹ پر اپنے والد میاں نواز شریف کی تصویر لگا دی، پانچ ماہ کے طویل عرصے کے بعد مریم نواز نے ٹوئٹر اکائونٹ استعمال کیالیکن ٹوئٹ میں کچھ تحریر نہیں کیا۔دریں اثنا لاہور ہائی کورٹ نے سابق وزیراعظم نوازشریف کی صاحبزادی مریم نواز کا پاسپورٹ واپس کرنے اور
نام ای سی ایل سے نکالنے کی درخواست سماعت کیلئے مقرر کردی ۔لاہور ہائی کورٹ کے جسٹس طارق عباسی کی سربراہی میں دو رکنی بینچ 15جنوری کو کیس کی باقاعدہ سماعت کرے گا،جسٹس چوہدری عبدالعزیز بینچ کا حصہ ہوں گے۔یاد رہے کہ موسم سرما کی تعطیلات میں بینچ کے رخصت پر ہونے کے باعث مریم نواز کا کیس غیر معینہ مدت تک کیلئے ملتوی کر دیا گیا تھا۔
