کراچی (این این آئی) آرمی چیف جنرل قمر جاوید باجوہ نے کراچی کور کی فارمیشنز کا دورہ کیا، آرمی چیف نے کراچی کور اور رینجرز کی تیاریوں کو سراہا۔پاک فوج کے شعبہ تعلقات عامہ آئی ایس پی آر کے مطابق پاک فوج کے سربراہ جنرل قمر جاوید باجوہ نے کراچی کور کی فارمیشنز کا دورہ کیا، آرمی چیف نے سرحدی علاقے میں کراچی کور، سندھ رینجرز کی مشقیں دیکھیں۔آئی ایس پی آر کے مطابق آرمی چیف جنرل قمر جاوید باجوہ نے روایتی خطرات کے خلاف کراچی کور
اور رینجرز کی تیاریوں کو سراہا۔یاد رہے کہ گزشتہ ہفتے آرمی چیف جنرل قمر جاوید باجوہ نے ایس ایس جی ہیڈکوارٹرز کا دورہ کیا تھا۔ آرمی چیف نے کہا کہ ایس ایس جی کمانڈوز ہمارا فخر ہیں، قیام پاکستان سے لے کر اب تک کمانڈوز، افسروں اور جوانوں نے ملکی دفاع کے لیے بیشمار خدمات سرانجام دی ہیں۔جنرل قمر جاوید باجوہ کا کہنا تھا کہ ملک دشمن قوتوں کو ناکام کرتے ہوئے ملک میں استحکام لائے ہیں، کسی قیمت پر ملکی استحکام کو خراب نہیں ہونے دیں گے۔
