اسلام آباد(این این آئی)وزیراعظم عمران خان نے بھارت میں بڑھتی ہوئی انتہا پسندی پر تشویش کا اظہار کرتے ہوئے کہا ہے کہ ہمسایہ ملک میں مسلمانوں کی نسل کشی ہورہی ہے۔اپنے ایک ٹویٹ میں وزیراعظم عمران خان نے کہا ہے کہ ہندو انتہا پسند تنظیم آر ایس ایس کے ہاتھوں مسلمانوں کی نسل کشی سے پہلے عالمی برادری کو جاگنا ہوگا۔وزیراعظم نے کہا کہ
چاہے ہٹلر کی براوَن شرٹس ہوں یا آرایس ایس کی مخصوس لباس، یہ مخصوص برادری (کمیونٹی) سے نفرت کی بنا پر بنائی گئی ہے، ہٹلرکی براوَن شرٹس اور آرایس ایس طرز پرملیشیا بننے سے نسل کشی ہوتی ہے۔وزیراعظم نے کہا کہ اس قسم کے اقدامات کا اختتام نسل کشی پر ہوتا ہے، جب بھی عسکریت پسند گروپ وجود میں آیا اختتام نسل کشی پرہوا۔
