اسلام آباد (مانیٹرنگ ڈیسک)سینٹری ورکرز نےتنخواہوں کی عدم ادائیگی پر چیف جسٹس گلزاراحمد کو درخواست دیدی،سینیٹری ورکرزکی درخواست سپریم کورٹ میں وصول کرلی گئی۔نجی ٹی وی کے مطابق درخواست میں کہاگیا ہے کہ انتظامیہ نے عیدالاؤنس اورتنخواہیں
وقت پراداکرنے کاوعدہ کیا،احتجاج کے باوجود کوئی شنوائی نہیں ہوئی نہ ہی عمل کیاگیا،درخواست میں استدعا کی گئی ہے کہ تنخواہوں اورالاؤنس کی فوری ادائیگی کاحکم دیاجائے۔واضح رہے کہ جسٹس گلزار احمد نے آج ہی چیف جسٹس عہدے کا حلف اٹھا یا ہے ۔