اسلام آباد(مانیٹرنگ ڈیسک)سعودی عرب نے پاکستان پر دباوَ سے متعلق خبروں کی تردیدکردی،نجی ٹی وی کے مطابق کوالالمپورسمٹ میں پاکستان کی عدم شرکت پرسعودی سفارتخانے نے اعلامیہ جاری کردیا،اعلامیہ میں کہا گیاہے کہ پاکستان کوسمٹ میں شرکت نہ کرنے پرمجبورکرنے کی خبربے بنیادہے۔
پاکستان کودھمکی دینے کی خبربھی مستردکرتے ہیں،سعودی سفارتخانہ نے کہا کہ پاک سعودی تعلقات میں دھمکیوں کی زبان استعمال نہیں ہوتی،پاکستان اورسعودی عرب کے گہرے تذویراتی تعلقات ہیں، دونوں ممالک کے درمیان معاملات میں اتفاق رائے پایاجاتاہے،سعودی عرب ہرمشکل وقت میں پاکستان کے ساتھ کھڑا رہا اورکھڑا رہے گا۔
