اسلا م آباد(مانیٹرنگ ڈیسک)وفاقی دارالحکومت اسلام آباد میں العزیزیہ سٹیل ملز کیس کے نیب پراسیکیوٹر کی گاڑی پر حملہ کیا گیا۔نجی ٹی وی کے مطابق وفاقی دارالحکومت کے علاقے سوان گارڈن میں نیب پراسیکیوٹر واثق ملک کی گاڑی پر نامعلوم
موٹر سائیکل سواروں نے فائرنگ کردی تاہم خوش قسمتی سے واقعے میں کوئی جانی نقصان نہیں ہوا۔ادھرچیئرمین نیب نے فائرنگ کا نوٹس لیتے ہوئے واقعہ آئی جی اسلام آباد کے نوٹس میں لانے کی ہدایت کی اور ملزمان کی گرفتاری کا مطالبہ کردیا۔