لندن (آئی این پی) مسلم لیگ (ن) کے رہنما سابق وزیر خزانہ اسحاق ڈار نے وزیر اعظم عمران خان کو مخاطب کرتے ہوئے کہا ہے کہ آپ کو نوازشریف فوبیا نے اندھا کردیا ہے، آپ لفٹر اور سیڑھیوں کے درمیان فرق نہیں کرسکتے، نہ ہی ایئر ایمبولینس میں میڈیکل کیبن دیکھ سکتے ہیں۔ اسحاق ڈار نے وزیر اعظم عمران خان کے نواز شریف کی صحت کے حوالے

سے بیان پر ردعمل دیتے ہوئے کہا ہے کہ اس طرح کے غیر ذمہ دارانہ بیان صرف ایک پاگل سلیکٹیڈ وزیر اعظم ہی دے سکتا ہے جس کو اس بات کا احساس نہیں کہ اس کا پاکستان کی معیشت پر کیا منفی اثر پڑ سکتا ہے۔ شائد اس کے خلاف آرٹیکل 51 ون ڈی کے تحت کارروائی کا مناسب وقت ہے۔ انہوں نے کہا اللہ سے ڈرو اس سے پہلے کہ اس کا غضب آپ کو پہنچے۔

موضوعات:اسحاق ڈار