اسلام آباد (این این آئی) وزیر اعظم عمران خان نے کہا ہے کہ بہت پہلے بتا دیا تھا کرپٹ مافیا سڑکوں پر نکلے گا،کرپٹ مافیا ملک میں افراتفری اور غیر یقینی پھیلانا چاہتا ہے،پی ٹی آئی حکومت کا اصلاحاتی ایجنڈا ہے،اصلاحات مشکل مرحلہ ہے نا ممکن نہیں ہے۔ ذرائع کے مطابق وزیر اعظم کی زیر صدارت پارٹی ترجمانوں کا اجلاس ہوا جس میں ملکی سیاسی اور معاشی صورتحال کا جائزہ لیا گیا۔ وزیر اعظم عمران خا ن نے کہاکہ پی ٹی آئی حکومت کا اصلاحاتی ایجنڈا ہے،اصلاحات مشکل مرحلہ ہے
نا ممکن نہیں ہے۔وزیر اعظم نے کہاکہ حکومتی معاشی پالیسی سے کرنٹ اکاؤنٹ خسارے میں 32 فیصد کمی آئی،حکومت سنبھالی تو 20 ارب ڈالر کا کرنٹ خسارہ ورثے میں ملا۔وزیر اعظم نے کہاکہ گزشتہ سال خسارہ 13 ارب ڈالر تھا اس سال 7 ارب ڈالر تک لایا گیا۔ انہوں نے کہاکہ بہت پہلے بتا دیا تھا کرپٹ مافیا سڑکوں پر نکلے گا،ان کا مقصد صرف اپنا مفاد اور کرپشن کا تحفظ ہے۔انہوں نے کہاکہ حکومت کی کامیابی سے ان کی سیاسی دکانیں بند ہو جائیں گی،کرپٹ مافیا ملک میں افراتفری اور غیر یقینی پھیلانا چاہتا ہے۔
