اسلام آباد (این این آئی)وفاقی کابینہ نے آزادی مارچ کے حوالے سے واضح کیا ہے کہ غیر آئینی، غیر قانونی مطالبہ تسلیم نہیں کیا جائیگا۔وزیراعظم عمران خان کی زیر صدارت وفاقی کابینہ کا اجلاس ہوا جس کے دوران جمعیت علمائے اسلام (ف) کے سربراہ مولانا فضل الرحمان
کے آزادی مارچ پر تبادلہ خیال کیا گیا۔ذرائع نے بتایا کہ اجلاس کے دوران کابینہ ارکان کا مؤقف تھا کہ آزادی مارچ کے حوالے سے غیر آئینی اور غیر قانونی مطالبہ تسلیم نہیں کیا جائیگا تاہم وزیر اعظم اور کابینہ ارکان نے معاملے کو مذاکرات کے ذریعے حل کر نے پر زور دیا ۔
