اسلام آباد (این این آئی) وزیر اعظم عمران خان نے حکومتی کمیٹی کو مکمل اختیار کے ساتھ رہبر کمیٹی سے مذاکرات کرنے کا اختیار دیتے ہوئے کہاہے کہ اپوزیشن سنجیدہ مذاکرات چاہتی ہے تو مثبت جواب دیں،تمام ایشوز پر مذاکرات آئینی حدود کے اندر کیے جائیں۔ذرائع کے مطابق وزیر اعظم عمران خان سے وزیر دفاع پرویز خٹک کی سربراہی میں حکومتی مذاکراتی کمیٹی نے ملاقات کی جس میں کمیٹی نے وزیراعظم کو
اپوزیشن کے چاروں مطالبات سے آگاہ کیا ۔وزیراعظم نے حکومتی کمیٹی کو مکمل اختیار کے ساتھ رہبر کمیٹی سے مذاکرات کرنے کا اختیار دے دیا۔ ملاقات میں فیصلہ کیا گیاکہ تمام ایشوز پر مذاکرات آئینی حدود کے اندر کیے جائینگے ۔ذرائع کے مطابق چوہدری پرویز الہٰی نے وزیراعظم کو مولانا فضل الرحمن سے ہونے والی ملاقات پر بریفنگ دی۔ گزشتہ رات ہونے والی ملاقات اور مولانا کے مطالبات سے متعلق وزیراعظم کو آگاہ کیا گیا۔
