اسلام آباد(مانیٹرنگ ڈیسک) مولانا فضل الرحمان پر حملے کے لیے دہشتگردوں نے منصوبہ بندی کرلی۔انٹیلی جنس رپورٹ واضح طور پر انتباہ جاری کرتے ہوئے کہا ہے کہ اسلام آباد میں دھرنے کے دوران نامعلوم دہشت گردوں کی طرف سے جمعیت علما اسلام کے سربراہ مولانا فضل الرحمان پر حملے کی منصوبہ بندی کر لی ہے جس کے تحت وہ مولانا کو قتل کرنے کیلئے کسی بارود سے بھری گاڑی کا استعمال کر سکتے ہیں ۔ واضح رہے کہ پروونشل
انٹیلی جنس سینٹر ہوم ڈیپارٹمنٹ نے مولانا فضل الرحمان کی زندگی خطرے سے متعلق آگاہ کردیا ہے ۔ رپورٹ کے مطابق مولانا فضل الرحمٰن پر بھارتی خفیہ ایجنسی ’’را‘‘ اور افغان ایجنسی ’این ڈی ایس‘ حملہ کرسکتے ہیں ۔ تھریٹ میں واضح کیا گیا ہے کہ ’را‘ اور ’این ڈی ایس‘ نے ٹارگٹ کلرز سے رابطہ کر لیا ہے جب کہ سینٹر ہوم ڈیپارٹمنٹ نے اس حوالے سے مولانا فضل الرحمان کو پیش آنے والے خطرے سے آگاہ کر دیا ہے ۔
