لاہور( این این آئی)پاکستان مسلم لیگ(ن) کی مرکزی رہنما مریم نواز احتساب عدالت میں پیشی کے موقع پر اپنے والد محمد نواز شریف کے ذکر پر آبدیدہ ہوگئیں ۔ عدالت میں پیشی کے دوران مریم نواز کی سروسز ہسپتال میں زیر علاج اپنے والد محمد نواز شریف سے موبائل فون پر بات ہوئی۔دوسری جانب وزیراعظم عمران خان نے گورنر پنجاب اور
وزیراعلیٰ سے رابطہ کرکے انہیں مریم نواز کو سروسز اسپتال لاہور میں میاں نوازشریف کے ساتھ رہنے کا انتظام کرنے کی ہدایت کی ہے۔ ذرائع کے مطابق وزیراعظم عمران خان نے گورنرپنجاب چوہدری سرور اور وزیراعلیٰ پنجاب عثمان بزدار سے رابطہ کرکے مریم نواز کو ان کے والد کے ساتھ اسپتال میں رکھنے کا انتظام کرنے کی ہدایت کی ہے۔
