راولپنڈی(آن لائن) آرمی چیف جنرل قمر جاوید باجوہ سرکاری دورے پر چین پہنچ گئے، چین کی عسکری قیادت سے ملاقاتیں کریں گے جبکہ وزیراعظم عمران خان کے ہمراہ چینی صدر اور وزیراعظم سے بھی ملاقات کریں گے۔ منگل کے روز ڈی جی آئی ایس پی آر میجر جنرل آصف غفور نے ٹویٹر پر جاری پیغام میں کہا ہے کہ آرمی چیف جنرل قمر جاوید باجوہ

چین کے سرکاری دورے پر بیجنگ پہنچ گئے ہیں، آرمی چیف کمانڈر پیپلز لبریشن آرمی سے ملاقات کریں گے، جنرل قمر جاوید باجوہ سنٹرل ملٹری کمیشن کے وائس چیئرمین اور سدرن ٹھیڑ کمانڈ کے کمانڈر سے بھی ملیں گے، آرمی چیف جنرل قمر جاوید باجوہ وزیراعظم عمران خان کے ہمراہ چینی صدر اور وزیراعظم سے بھی ملاقاتیں کریں گے۔

موضوعات:جنرل قمر جاوید باجوہ