اسلام آباد (مانیٹرنگ ڈیسک) بھارت کے سابق وزیراعظم ڈاکٹر من موہن سنگھ نے بابا گورو نانک دیو جی کے 550ویں جنم دن کی تقریبات میں شرکت کیلئے پاکستان کی دعوت قبول نہ کرنے کا فیصلہ کیا ہے۔ روزنامہ جنگ کے مطابق بھارتی ٹی وی نے کہا ہے پاکستان کی جانب سے بھیجا گیا دعوت نامہ نہیں ملا جبکہ اگر دعوت نامہ

مل بھی جاتا ہے تو پاکستان نہیں جائیں گے ۔ سابق بھارتی وزیراعظم کے قریبی ذرائع نے کہا ہے کہ پاک بھارت کشیدگی عروج پر ہے اور ایسے موقعے پر وہ کیسے پاکستان جائیں گے ۔یاد رہے کرتار پور راہداری منصوبے کے افتتاح کیلئے پاکستان نے بھارت کے سابق وزیر اعظم من موہن سنگھ کو خصوصی طور پر مدعو کیا تھا ۔