اسلام آباد(مانیٹرنگ ڈیسک)پاکستان کے معروف ایٹمی سائنسدان ڈاکٹر عبدالقدیر خان نے اپنے انتقال کی خبروں کی تردید کردی۔تفصیلات کے مطابق ایٹمی سائنسدان ڈاکٹر عبدالقدیر خان اس وقت علالت کے باعث ہسپتال میں زیر علاج ہیں، تاہم سوشل میڈیا پر ان کے انتقال کی خبریں زیر گردش ہیں۔لیکن ڈاکٹرعبدالقدیرخان نے فیس بک کے ذریعے ایسی تمام خبروں کی تردید کردی۔فیس بک پوسٹ میں ڈاکٹر عبدالقدیر خان
کی تصویر شیئر کرکے وضاحت دی گئی ہے کہ ’’میرے پاکستانیوں: السلام وعلیکم! اللہ تعالیٰ کے فضل و کرم سے میں سلامت ہوں، میرے مرنے کی خبریں فیس بک پر میرے اور ملک دشمن عناصر لگا رہے ہیں‘‘۔اس پوسٹ پر تمام صارفین نے تبصرہ کرتے ہوئے ان کی جلد صحت یابی کے لیے دعا کرتے ہوئے لکھا کہ اللہ تعالیٰ آپ کو طویل عمر سے نوازے اور ملک کو دشمنوں کے شر سے دور رکھے،آمین
