راولپنڈی(آن لائن)آرمی چیف جنرل قمر جاوید باجوہ سے سعودی عرب اور یو اے ای وزیر خارجہ نے ملاقات کی جس میں دونوں وزرائے خارجہ نے بھارتی اقدامات کیخلاف پاکستان کو بھرپور تعاون کی یقین دہانی کرائی ۔پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ سے سعودی عرب کے وزیر خارجہ عادل الجبیر اور متحدہ عرب امارات کے وزیر خارجہ شیخ عبداللہ بن زاید نے جنرل ہیڈ کوارٹر راولپنڈی میں ملاقات کی جس میں باہمی
دلچسپی کے امور اور خطے میں سیکیورٹی کی صورتحال پر تبادلہ خیال کیا گیا آرمی چیف نے دونوں ممالک کے ساتھ خصوصی اسٹریجٹک تعلقات پر فخر کا اظہار کیا دونوں وزرائے خارجہ نے خطے میں امن و استحکام کیلئے پاکستان کے کردار کی تعریف کی اور مقبوضہ کشمیر کی صورتحال سے متعلق بھارتی اقدامات کیخلاف تعاون کی بھرپور یقین دہانی کروائی،جنرل قمر جاوید باجوہ نے کہا کہ سعودی عرب اور متحدہ عرب امارات کے ساتھ برادرانہ تعلقات پرہمیں فخر ہے.
