اسلام آباد (آن لائن) وزیراعظم عمران خان نے متحدہ عرب امارات کے ولی عہد شیخ محمد بن زید النہیان کو ٹیلی فون کرکے مقبوضہ کشمیر کی صورتحال سے آگاہ کیا۔ دونوں رہنماؤں نے مقبوضہ کشمیر کی صورتحال پر رابطے جاری رکھنے پر اتفاق کیا۔ وزیراعظم ہاؤس کی جانب س جاری اعلامیے کے مطابق عمران خان نے یو اے ای کے ولی عہد کو فون کیا اور انہیں مقبوضہ کشمیر کی صورتحال سے آگاہ کرتے ہوئے کہا کہ قوم کی امیدیں یو اے ای اور
مسلم ممالک سے وابستہ ہیں۔ عالمی برادری مقبوضہ کشمیر میں کرفیو کے خاتمے کے لئے اقدامات کرے۔ شیخ محمد بین زید نے کشمیر کی صورتحال سے آگاہ کرنے پر وزیراعظم کا شکریہ ادا کیا۔ دونوں رہنماؤں نے صورتحال پر رابطے جاری رکھنے پرا تفاق کیا۔واضح رہے کہ متحدہ عرب امارات کی جانب سے بھارتی وزیراعظم نریندر مودی کو ایوارڈ دیئے جانے کے بعد پاکستان اور متحدہ عرب امارات کا یہ اعلیٰ ترین سطح پر پہلا رابطہ ہے۔
