راولپنڈی (این این آئی)پاک فوج کے سربراہ جنرل قمر جاوید باجوہ نے کہا ہے کہ قو م کا کشمیریوں کے ساتھ اظہار یکجہتی دنیا کیلئے پیغام ہے،مقبوضہ کشمیر میں بگڑتی صورتحال علاقائی امن کیلئے خطرہ ہے۔ جمعہ کو کو آئی ایس پی آر کے مطابق آرمی چیف جنرل قمر جاوید باجوہ نے گوجرانوالہ کور ہیڈ کوارٹر
کا دورہ کیا دورے کے دوران آرمی چیف کو آپریشنل تیاریوں پر بریفنگ دی گئی۔اس موقع پر خطاب کرتے ہوئے آرمی چیف جنرل قمر جاوید باجوہ نے کہا کہ مقبوضہ کشمیرکی صورتحال خطے میں امن کیلئے خطرہ ہے۔ انہوں نے کہاکہ قوم کا کشمیریوں کے ساتھ اظہار یکجہتی دنیا کیلئے پیغام ہے۔
