لاہور(نیوزڈیسک)مقبوضہ کشمیرمیں مظالم کے خلاف دنیا بھر میں بھارتی مصنوعات کے بائیکاٹ کی مہم شروع،مسلمانوں سے بڑی اپیل کردی گئی، تفصیلات کے مطابق سابق سینئر وزیر پنجاب عبدالعلیم خان کا کہنا ہے کہ
وزیر اعظم کاکشمیر پر خطاب عوامی خواہشات کا آئینہ دار ہے ، دنیا بھر کے مسلمان بھارتی اشیا کا استعمال چھوڑنے کا اعلان کریں، مسئلہ کشمیر پر مودی کو اس کی اپنی غلطیاں لے ڈوبیں گی۔تفصیلات کے مطابق سابق سینئر وزیر پنجاب عبدالعلیم خان نے کہا ہے کہ وزیر اعظم کاکشمیر پر خطاب عوامی خواہشات کا آئینہ دار ہے، قوم متحرک ہو چکی، جمعے کوہرمحب وطن باہر نکلے گا۔عبدالعلیم خان کا کہنا تھا کہ پاکستان اور بیرون ملک بھارتی مصنوعات کا بائیکاٹ کیا جائے اور دنیا بھر کے مسلمان بھارتی اشیاکااستعمال چھوڑنے کا اعلان کریں۔رہنما پی ٹی آئی نے کہا پاکستان نےمسئلہ کشمیر عالمی فورمز پربھرپور اجاگر کر دیا، مسئلہ کشمیر پر مودی کو اس کی اپنی غلطیاں لے ڈوبیں گی، پاکستان نے ذمہ دارانہ کردار ادا کیا، اب ذمے داری بھارت پر ہے۔یاد رہے گذشتہ روز وزیراعظم عمران خان نے قوم سے خطاب میں کہا تھا کہ پاکستان کا ”کشمیر پالیسی“پر فیصلے کاوقت آگیاہے، ہم مذاکرات کی بات کرتے ہیں، بھارت کوئی اوربات شروع کردیتاہے، اگر آج ہمارےساتھ کوئی نہیں کھڑا، تو مایوس ہونےکی ضرورت نہیں، جو آج ہمارے ساتھ نہیں ہیں، وہ کل ہمارے ساتھ ہوں گے۔
