راولپنڈی (آن لائن) چین کے وائس چیئرمین سینٹرل ملٹری کمیشن جنرل شوچی لیانگ کا دورہ جی ایچ کیو‘ آرمی چیف جنرل قمر جاوید باجوہ سے ملاقات‘ باہمی دلچسپی‘ علاقائی سیکیورتی‘ دفاعی تعاون اور مقبوضہ کشمیر کی صورتحال پرخصوصی تبادلہ خیال کیا گیا۔ آئی ایس پی آرکی جانب سے جاری بیان کے مطابق آرمی چیف جنرل قمر جاوید باجوہ سے چینی جنرل شو چی لیانگ نے جی ایچ کیو میں ملاقات کی ہے۔ آرمی چیف نے
کشمیر اور اہم معاملات پر چین کی حمایت کو سراہا۔ ملاقات میں باہمی دلچسپی‘ علاقائی سیکیورٹی اور دفاعی تعاون پر گفتگو ہوئی جبکہ دونوں ممالک کے درمیان وفود کی سطح پر بھی بات چیت ہوئی۔ آرمی چیف جنرل قمر جاوید باجوہ اور چینی جنرل کیمابین مقبوضہ کشیر کی صورتحال پر بھی خصوصی تبادلہ خیال کیا گیا چینی وائس چیئرمین سینٹرل ملٹری کمیشن نے جی ایچ کیو میں یادگار شہداء پر پھول چڑھائے۔