اسلام آباد (این این آئی)سابق صدر آصف علی زر داری نے پیپلز پارٹی رہنمائوں اور وکلا کو حکومت سے کسی بھی قسم کا ریلیف مانگنے سے روک دیا۔ذرائع کے مطابق آصف علی زر داری نے کہاکہ مجھے اپنی صحت کی بنیاد پر حکومت سے کوئی ریلیف نہیں چاہیے۔ ذرائع کے مطابق آصف علی زرداری کی شوگر اور بلڈ پریشر کنٹرول نہیں ہو رہے، سابق صدر آصف علی زرادری کو سینے میں بھی درد کی شکایت ہے۔
ذرائع کے مطابق دل کا عارضہ آصف زرداری کو بہت پہلے سے لاحق ہے۔لطیف کھوسہ نے کہاکہ آصف علی زرداری ہمیں طبی بنیاد پر درخواست دینے کی اجازت نہیں دے رہے، آصف زرداری کا کہنا ہے پہلے بھی ان بنیادوں پر کبھی ریلیف نہیں مانگا۔ انہوں نے کہاکہ آصف زرداری موجودہ حکومت سے کوئی معمولی اور قانونی بنیا دپر بھی ریلیف لینے پر تیار نہیں، معمول کی عدالتی کارروائی میں کوئی ریلیف ملے تو اعتراض نہیں ہوگا۔
