اسلام آباد(آن لائن)وزیر اعظم عمران خان نے کہا ہے کہ فاشٹ مودی حکومت کو پتہ ہونا چاہیے قوم متحد ہو تو کوئی طاقت نہیں روک سکتی ،مودی کی قیادت میں ہندو’’ توا حربے‘‘ مقبوضہ کشمیر میں بُری طرح ناکام ہونگے۔جمعہ کو وزیراعظم عمران خان نے سماجی رابطے کی ویب سائٹ ٹوئٹر پر ایک بیان میں کہا کہ فاشٹ ہندو سپر میسی میں مبتلا مودی حکومت کو پتہ ہونا چاہیے ،
شدت پسند دہشتگردوں کو برتر طاقت سے شکست دی جاسکتی ہے ۔انہوں نے کہا کہ تاریخ گواہ ہے قوم جدوجہد آزادی میں متحد ہو تو کوئی طاقت نہیں روک سکتی، دنیا کی کوئی طاقت کشمیریوں کو اپنے مقصد کے حصول سے نہیں روک سکتی، طاقت سے صرف افواج اور دہشتگردوں کو شکست دی جاسکتی ہے ،مودی کی قیادت میں ہندو’’ توا حربے‘‘ مقبوضہ کشمیر میں بُری طرح ناکام ہونگے۔
