اسلام آباد(مانیٹرنگ ڈیسک)وفاقی پولیس نے نواز شریف کے سابق مشیر عرفان صدیقی کو حراست میں لے لیا۔نجی ٹی وی کے مطابق عرفان صدیقی کے بیٹے کا کہنا ہے کہ پولیس نے والد کو گھر کے باہر سے حراست میں لے کر تھانہ رمنا منتقل کردیا، انہیں حراست میں لینے کی وجہ نہیں بتائی جارہی۔
دوسری جانب پولیس ذرائع کے مطابق عرفان صدیقی کوکرایہ داری ایکٹ کی خلاف ورزی پر حراست میں لیا گیا ہے۔ عرفان صدیقی نے بغیر اطلاع کے مکان کرائے پر دیا تھا۔ عرفان صدیقی کے ساتھ اقبال نامی شخص کو بھی حراست میں لیا گیا ہے۔ عرفان صدیقی کے خلاف تھانا رمنا میں دفعہ 188 کے تحت مقدمہ درج ہے۔یاد رہے کہ عرفان صدیقی کا شمار سابق وزیر اعظم نوازشریف کے قریبی ساتھیوں میں ہوتا ہے۔
